Дания пенсия ёшини 70 ёшгача оширди ва шу билан дунёнинг йирик иқтисодиётлари орасида рекорд ўрнатди, бунга РИА Новости «Йигирмалик гуруҳи» ва Евроиттифоқнинг миллий қонунчилиги хусусиятларини ўрганиб ишонч ҳосил қилди.
Копенгагендан ташқари, яна 14 давлат ҳозир муносиб дам олиш учун ёш чегарасини кўтаришмоқда, улардан учдан бири – фақат аёллар учун.
«Новости» РАА мухбири таҳлил ўтказган давлатлар фуқаролари кўпинча 65 ёшда пенсияга чиқади: бу ҳам аёллар, ҳам эркакларга тааллуқли. Лекин айрим давлатларда белгиланган ёш кўрсатилган муддатдан ошади: масалан, Австралия, Греция ва Нидерландияда у эркаклар ва аёллар учун 67 ёшни ташкил этади.
Пенсия ёши, масалан, Швецияда пастроқ – 63 йил, Словакия ва Францияда – 64 йил. Ҳиндистонда базавий вариантда 60 ёшдаёқ пенсияга чиқиш мумкин, лекин бу бандлик соҳаси ва яшаш ҳудудига боғлиқ.
Энг кенг тарқалган амалиёт – эркаклар ва аёллар учун бу рақамнинг тенглиги. Улар, масалан, Туркияда (эркаклар учун 60 ёш ва аёллар учун 58 ёш), Польшада (65 ва 60 ёш) ва Лотин Америкасининг айрим мамлакатларида фарқ қилади.
Даниядан ташқари, G20 ва ЕИ вакилларининг яна учдан бири ўз фуқаролари учун пенсия ёшини кўтармоқда. Бельгия, Германия, Испания, Словенияда ислоҳотлар тугалланганидан кейин у 67 ёшгача, Индонезия, Латвия (шу йилдаёқ) ва Литвада – 65 ёшгача, Хитойда эркаклар учун 63 ёшгача ва аёллар учун – ишчи касблар вакиллари учун 55 ёшгача, офис ходимлари учун – 58 ёшгача ошади.
Бунда бир неча мамлакат кўрсаткични фақат аёллар учун кўтаришга қарор қилди ва шу билан бу жиҳатда эркаклар ва аёлларнинг тенглигини ўрнатди. Бу Австрия, Руминия, Хорватия ва Швейцария – ҳаммаси 65 ёшгача. Болгария ҳар икки жинс учун ёшни кўтарди, лекин бу борада ҳам унификацияга эришмоқчи – ўша 65 ёш.
Россияда эркаклар учун пенсияга чиқиш ёши 65 ёш, аёллар учун – 60 ёшни ташкил этади.
Манба: «Новости» РАА.