Ижарага берувчи коммунал хизматлар суммасидаги ҚҚСни ҳисобга оладими?

Корхонамиз омборхоналарни ижарага бериш билан шуғулланади. Ҳар бир омборхона учун алоҳида ҳисоблагичлар (электр энергия, совуқ сув) ўрнатилган. Ҳар ойнинг охирида ҳудудий коммунал хўжаликлардан корхонамизга жами сарфланган коммунал ресурслар учун ҳисобварақ-фактура юборилади. Биз ушбу ҳисобварақ-фактураларда кўрсатилган суммаларни омборхоналарга ўрнатилган ҳисоблагичлар кўрсаткичларига асосан омбордан фойдаланувчиларга пропорционал равишда тақсимлаб ҳисобварақ-фактура юборамиз. Ушбу ҳолатда биз ҳудудий коммунал хўжаликлари томонидан юборилган фактурадаги ҚҚС суммасини ҳисобга оламизми? ҚҚС ҳисоботи топшириш вақтида тўланадиган ҚҚСдан ушбу кирувчи ҚҚС чегириб қолинадими? Агарда мумкин бўлса қандай асосга кўра?