Сўровларга кўра, кексалик хавотири кексаликда турмуш даражасининг пасайишидан хавотирланиш билан чамбарчас боғлиқдир. Ҳозирда нафақада хотиржам яшаш учун жамғаришнинг кўплаб усуллари мавжуд, улардан қайси бирини танлаш керак ва қандай жамғариш кераклигини мутахассислар айтиб беришди.
«Финам» ФГ таҳлилчиси Юлия Афанасьеванинг сўзларига кўра, россияликлар учун узоқ муддатли жамғармалар бўйича асосий ёрдамчи молиявий режа бўлиши мумкин. Инвестиция воситаларини танлаш унга боғлиқ бўлади. Биринчи босқичда аниқланиши керак бўлган асосий нарса – бу пенсия учун керакли жамғарма миқдори, унгача бўлган муддат, жорий жамғарма миқдори ва сиз гаровга қўйишга тайёр бўлган хатар даражаси.
Ўз навбатида, РУДН иқтисодиёт факультети доценти, иқтисод фанлари номзоди Андрей Гиринскийнинг таъкидлашича, бундай ҳисоб-китоблар жуда мураккаб масаладир, чунки улар турли хил омилларга боғлиқ бўлади. Биринчидан, муносиб ҳаёт кечириш учун қанча пул керак бўлишини олдиндан билиб бўлмайди.
«Инфляция, миллий валюта курсининг ўзгариши, нарх индексларининг ўзгариши омилларини ҳисобга олган ҳолда, пенсия миқдори ҳозирда ўртача олувчи учун шартли равишда етарли бўлган 22 минг рубль ҳам бир неча йиллардан кейин етарли бўлмай олиши мумкин», – дея тушунтирди у.
Иккинчидан, кексаликни таъминлаш тушунчаси ҳар бир инсон учун турлича бўлиб, вақтга, муайян шахснинг эҳтиёжларига, унинг соғлиғи ҳолатига, оиласи, қариндошлари, яшаш ҳудуди ва бошқа кўп нарсаларга боғлиқ.
Юлия Афанасьеванинг қўшимча қилишича, кексалик гаштини суриш учун пенсия жамғармалари максимал даражада ликвид бўлиши керак, шунинг учун улар сифатида депозит, ОФЗ ёки ишончли ликвидлик жамғармалари ёки шартли кафолатланган даромадлиликка эга бўлган асосий активларга эга бошқа жамғармалардан фойдаланиш мумкин.
Шунингдек Андрей Гиринский доимий иш билан ҳам, асосий иш ҳақи ўрнига ёки унга қўшимча равишда турли бизнес лойиҳалари билан ҳам боғлиқ бўладиган доимий даромадни таъминлашни таклиф қилди.
«Агар сизда 20−30 йил захира ва пенсия учун зарур бўлган сумманинг камида 1 фоизи ва кўрсатилган сумманинг 0,1 фоизини ҳар ойда жамғариб бориш имконияти бўлса, унда сизга таваккалчиликлар керак эмас. Бошқа ҳолларда, таваккалчиликларни қўлламасдан, пенсияга муносиб капитал ишлаб топиш имконсиз бўлади», – дея хулоса қилди Юлия Афанасьева.
Манба: Finance Mail