Ортиқча тўланган пенсия суммалари қандай муддат давомида ушлаб қолиниши мумкин?
– Пенсионер Пенсия жамғармаси туман (шаҳар) бўлимининг пенсиядан ортиқча тўланган суммаларни ушлаб қолиш тўғрисидаги қароридан норози бўлган тақдирда, аниқланган қарздорлик суд тартибида, бироқ унинг аниқланиш санасидан 3 йилдан кўп бўлмаган давр учун ундирилади (Қонуннинг 65-м. 2-қ.).
2021 йил 1 июндан бошлаб 3 йил ва ундан аввал тайинланган, қайта ҳисобланган пенсия ва нафақаларни текшириш ҳамда улар бўйича аниқланган ортиқча тўловни ундириш бекор қилинган (ПФ-6155-сон Фармоннинг 10-б.).