Яширин иқтисодиётни қисқартириш борасида божхона органлари томонидан тизимли чора-тадбирлар амалга оширилмоқда.
Тошкент шаҳар божхона бошқармаси «Чуқурсой техник идораси» темир йўл чегара божхона постида бир қатор ҳуқуқбузарлик ҳолатларига чек қўйилди.
Божхона пости ходимлари Контрабандага қарши курашиш ва божхона аудити бўлими ходимлари билан ҳамкорликда хориждан келтирилган 2 та юк контейнерини кўрикдан ўтказишди. Хўжалик товарларининг инспекцион кўрик мажмуасидан олинган тасвирлари юк ҳужжатларида қайд этилган маълумотлар билан мос тушмаётганлиги божхона кўригида маълум бўлди.
Натижада бир юк контейнерида ҳужжатларда кўрсатилмаган 7 турдаги 250 млн сўмлик алоқа техник воситалари, бошқа контейнерда эса йўл юк-кузатув ҳужжатларида кўрсатилганидан ортиқча ва ҳужжатларда кўрсатилмаган қиймати 533 млн сўмлик 3 турдаги буёқ товарлари борлиги аниқланди.
Тошкент шаҳар божхона бошқармаси Ахборот хизмати.
