59 ёшга тўлган эркакнинг иш стажи 30 йилни ташкил этади.
У ишлашни тўхтатиб, пенсияга чиқиши мумкинми?
– Йўқ, эркаклар 60 ёшга тўлганда пенсия олиш ҳуқуқига эга бўладилар (Қонуннинг 7-м.). Меҳнат фаолиятининг тўхтатилиши белгиланган ёшга тўлмасдан олдин пенсия олиш учун асос ҳисобланмайди.
Муддатидан олдин пенсияга чиқиш ҳуқуқи муайян ҳолатларда юзага келади. Хусусан, технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган эркаклар 58 ёшга тўлганда ва иш стажи камида 25 йил бўлган тақдирда уларга муддатидан олдин пенсияга чиқиш ҳуқуқи берилади (Қонуннинг 14-м.).
