Norma.uz
Газета Норма маслахатчи / 2021 год / № 2 / Қонунчиликдаги янгиликлар

Янги ҳужжатларни тақдим этамиз

 

Тақдим этилаётган, шунингдек сўнгги пайтда қабул қилинган бошқа ҳужжатларнинг тўлиқ матни билан «Norma» АҚТ ва nrm.uz сайтида танишиб чиқишингиз мумкин.

 

Маъмурий ишлар бўйича апелляция бериш муддати узайтирилди

 

Президент томонидан «Суд қарорларини қайта кўриш институти такомиллаштирилиши муносабати билан Ўзбекистон Республикасининг Маъмурий суд ишларини юритиш тўғрисидаги кодексига ўзгартиш ва қўшимчалар киритиш ҳақида»ги Қонун имзоланди (12.01.2021 йилдаги ЎРҚ-662-сон). 

 

Қонун билан Маъмурий суд ишларини юритиш тўғрисидаги кодекснинг (кейинги ўринларда – Кодекс) 28-боби («Судда назорат тартибида иш юритиш») чиқариб ташланди, яъни маъмурий суд ишларини юритишда назорат инстанцияси бекор қилинди.

Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилга (бизнес-омбудсман) биринчи инстанция судининг қонуний кучга кирмаган ҳал қилув қарори устидан апелляция шикояти бериш ҳуқуқи берилди, тадбиркорлик фаолияти билан боғлиқ бўлмаган низолар бундан мустасно (Кодекс 224-м.).

Белгиланишича, апелляция шикояти қарор қабул қилинган кундан бошлаб бир ой ичида берилиши мумкин (илгари ушбу муддат 20 кунни ташкил этган) (Кодекс 203-м.).

Ишда иштирок этувчи шахслар апелляция шикоятини иш юритишга қабул қилиш юзасидан чиқарилган ажрим ҳақида уч кунлик муддатда хабардор қилинади (илгари ажрим қабул қилинган кунда хабардор қилинар эди) (Кодекс 207-м.).

Кодекс 2301-«Ишни талаб қилиб олиш» моддаси билан тўлдирилди, унга мувофиқ Олий суднинг судьяси, Бош прокурор, прокурорлар иш бўйича тарафларнинг мурожаати бўлганда, кассация протести келтириш тўғрисидаги масалани ҳал қилиш учун тегишли суддан ишни талаб қилиб олишга ҳақлидир.

Кассация шикояти апелляция инстанцияси суди томонидан қарор қабул қилинган кундан эътиборан бир йил ичида берилиши мумкин (илгари шикоят суднинг қарори қонуний кучга кирганидан кейин бир ой ичида берилар эди) (Кодекс 227-м.).

Кодекс 2481-«Ишни кассация тартибида такроран кўриб чиқиш» моддаси билан тўлдирилди. Ушбу моддага мувофиқ манфаатдор шахслар ишни кассация тартибида такроран кўриш тўғрисида протест келтириш ҳақидаги ариза билан Олий суд раиси, Бош прокурор ва уларнинг ўринбосарларига мурожаат қилишга ҳақли.

Бошқа ўзгартириш ва қўшимчалар ҳам киритилган.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 13.01.2021 йилдан кучга кирди.

 

Лола Абдуазимова.

Прочитано: 320 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика