Norma.uz
Газета СБХ / 2021 год / № 1-2 / Солиқ солиш

Ҳисобварақ-фактура суммасига тузатиш киритиш

 

2019 йилда хизматлар кўрсатишга шартнома тузилган. Шартнома бўйича хизматлар қиймати 4 млн сўмни ташкил этади. 2019 йил декабрда 2 млн сўмлик хизматлар кўрсатилган, тарафлар раҳбарлари томонидан хизматлар нархини пасайтириш тўғрисида қўшимча битим имзоланган ҳамда нархлар 2 млн сўмни ташкил этган ва ушбу сумма мижоз томонидан тўланган. Бироқ ижрочининг бухгалтери 4 млн сўмга ҳисобварақ-фактура тақдим этган ва уни мижозлар имзолашган. Натижада ижрочида дебиторлик қарзи, мижозда эса кредиторлик қарзи пайдо бўлган. 2020 йилда ижрочининг бухгалтери алмашган ва у ушбу номувофиқликни аниқлаган. Бундай ҳолатда ҳисобварақ-фактурани алмаштиришнинг иложи йўқ.

2019 йилда тақдим этилган ҳисобварақ-фактура суммасига (камайтиришга қаратилган) тузатишни қандай киритиш мумкин?

 

– Битим шартлари ўзгарганда, шу жумладан кўрсатилган хизматларнинг нархига камайтиришга қаратилган ўзгартиришлар киритилганда, хизматларни етказиб берувчи томонидан тузатиш киритувчи қўшимча ҳисобварақ-фактура тақдим этилади. Хизматларни олувчи уни тасдиқлайди. Қўшимча ҳисобварақ-фактура тузатиш киритилаётган ҳисобварақ-фактуралар бўйича, улар тақдим этилган санадан бошлаб бир йиллик муддат доирасида расмийлаштирилиши мумкин (Низомнинг 40, 41-б., ВМнинг 14.08.2020 йилдаги 489-сон қарорига 2-илова).

Камайиштиришга қаратилган тузатиш киритилган қўшимча ҳисобварақ-фактура қуйидагиларни ўз ичига олиши лозим:

● ҳисобварақ-фактура қўшимча эканлиги тўғрисида белги;

қўшимча ҳисобварақ-фактуранинг тартиб рақами ва ёзиб берилган санаси;

● тузатиш киритилаётган ҳисобварақ-фактуранинг рақами ва санаси;

● нархларга салбий тузатиш киритиш миқдори, етказиб беришнинг ҚҚСни ҳисобга олмаган ҳолдаги қиймати;

● ҚҚС суммасига салбий тузатиш киритиш миқдори (Низомнинг 42-б.).

Етказиб берувчи томонидан қўшимча ҳисобварақ-фактура расмийлаштирилган ҳолда солиқ базасига тузатишлар киритиш амалга оширилганда олувчи етказиб берувчи томонидан расмийлаштирилган қўшимча ҳисобварақ-фактура асосида у томонидан илгари ҳисобга олиш учун қабул қилинган ҚҚС суммасига тегишли тартибда тузатиш киритади (Низомнинг 43-б.).

 

Азизахон ТОШХЎЖАЕВА,

«Norma» МЧЖ эксперти.

Прочитано: 91 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика