Norma.uz
Газета Норма маслахатчи / 2020 год / № 37 / Қонунчиликдаги янгиликлар

Юридик соҳа кадрларини қайта тайёрлаш тизими такомиллаштирилади

 

Вазирлар Маҳкамасининг «Юридик соҳага оид билим талаб этиладиган мутахассисларни қайта тайёрлаш ва малакасини оширишнинг замонавий тизимини жорий этиш чора-тадбирлари тўғрисида»ги қарори (8.09.2020 йилдаги 544-сон) қабул қилинди. 

 

Ҳужжат Президентнинг 29.04.2020 йилдаги «Ўзбекистон Республикасида юридик таълим ва фанни тубдан такомиллаштириш бўйича қўшимча чора-тадбирлар тўғрисида»ги ПФ-5987-сон Фармони ва 19.05.2020 йилдаги «Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида»ги ПФ-5997-сон қарори ижросини таъминлашга қаратилган. Қарор халқаро стандартларни ҳисобга олган ҳолда адлия органлари ходимлари, адвокатлар, нотариуслар, юрисконсультлар, патент вакиллари, медиаторлар қайта тайёрлаш ва малакасини ошириш тизимини такомиллаштиришга йўналтирилган.

Қуйидагилар юридик соҳага оид билим талаб этиладиган мутахассисларни қайта тайёрлаш ва малакасини ошириш тизимининг устувор вазифалари этиб белгиланди:

  •  касбий эҳтиёжлардан келиб чиққан ҳолда кадрлар буюртмачилари ва ходимларига малака ошириш шаклларини мустақил танлаш имкониятини яратиш;
  •  анъанавий малака ошириш билан бир қаторда касбий ўқитишнинг уйғунлашган иш жараёни билан биргаликда олиб бориладиган шаклларини, таълим дастурларини, кредит-модуль механизмини жорий қилиш;
  •  кадрларни узлуксиз касбий ривожлантириш тизими фаолиятини ташкил этиш ва малака ошириш жараёнларини мониторинг қилиш;
  •  таълим жараёнини рақамли технологиялар асосида индивидуаллаштириш, масофавий таълимни янада такомиллаштириш ва мустақил таълим олиш учун қулай шароитлар яратиш;
  •  хўжалик бирлашмалари ва бошқа ташкилотлар мутахассисларининг ҳуқуқий билимини ошириш учун қисқа муддатли ўқув курсларини ташкил этиш.

Адлия вазирлиги қошидаги Юристлар малакасини ошириш марказининг юридик шахсни ташкил этмаган ҳолда Қорақалпоғистонда ҳамда вилоятларда ҳудудий филиаллари ташкил этилади.

Ҳужжат билан қуйидагилар тасдиқланди:

  •  Адлия вазирлиги қошидаги Юристлар малакасини ошириш марказида қайта тайёрлаш ва малака ошириш тартиби тўғрисидаги низом;
  •  ўқув дастурларини, ўқув жараёнини ташкил этиш, таълим сифатини назорат қилиш ҳамда баҳолашни ўз ичига олган Юридик соҳага оид билим талаб этиладиган мутахассисларни қайта тайёрлаш ва уларнинг малакасини оширишга қўйиладиган давлат таълим талаблари.

Марказнинг ҳудудий филиаллари юридик техникумлар биноларида жойлаштирилади. Уларнинг тузилмаси ва низоми Адлия вазирлиги томонидан тасдиқланади, юридик техникумлар эса ўқув жараёнини ташкил этиш учун зарур шароитларни яратиб бериш учун масъул ҳисобланади.

Ўқитиш давомийлиги қайта тайёрлаш курсларида 4 ойни (576 соат), малака ошириш курсларида – 2 ҳафтани (72 соат) ташкил этади.

Ўқув машғулотларини ўтказиш учун жалб қилинадиган мутахассислар меҳнатига Марказни ривожлантириш жамғармаси маблағлари ҳисобидан ҳақ тўлашда Марказга белгиланган миқдорни 200%гача ошириш ҳуқуқи берилади.

Адлия вазирлигига 3 ой муддатда Ахборот технологиялари ва коммуникацияларини ривожлантириш вазирлиги билан биргаликда ҳар бир ходимнинг малака ошириш жараёнларини мониторинг қилувчи ягона маълумотлар базаси – электрон платформани ишлаб чиқиш топширилди.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 9.09.2020 йилдан кучга кирган.

Лола Абдуазимова.

Прочитано: 360 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика