Умумбелгиланган солиқларни тўловчи давлат корхонаси ВМнинг қарорига асосан асосий воситалар ва товар-моддий захираларни бошқа ички идоравий ташкилотларга бепул беряпти.
Бепул беришдан кўрилган зарарни 9430-«Бошқа операцион харажатлар» счётига киритиш тўғри бўладими?
– Ҳа, ТМҚ ва бошқа активларни бепул беришдан кўрилган зарар 9430-«Бошқа операцион харажатлар» счётида акс эттирилади (ВМнинг 5.02.1999 йилдаги 54-сон қарори билан тасдиқланган Низомнинг 2.3.15.11-банди; Йўриқноманинг 407-банди, АВ томонидан 23.10.2002 йилда 1181-сон билан рўйхатдан ўтказилган 21-сон БҲМСга 2-илова).
Асосий воситаларнинг бепул берилиши муносабати билан уларни ҳисобдан чиқариш бўйича проводкалар Низомнинг (АВ томонидан 29.08.2004 йилда 1401-сон билан рўйхатдан ўтказилган) 35-бандида қайд этилган.
Бошқа активларни бепул берилиши муносабати билан ҳисобдан чиқаришда 9210-«Асосий воситаларнинг чиқиб кетиши» счёти ўрнига 9220-«Бошқа активларнинг чиқиб кетиши» счётидан фойдаланган ҳолда худди шундай проводкалар амалга оширилади (Йўриқноманинг 390-моддаси).
Замира ЖЎРАЕВА, «Norma» МЧЖ эксперти.
