МЧЖда ўз юристи йўқ. Ушбу МЧЖ билан шартнома тузадиган корхоналар уларга юрист имзо қўйишини сўрашади.
МЧЖда юрист бўлмаса, шартномаларда унинг имзоси бўлиши шартми?
– Ҳа, юрист имзоси бўлиши шарт.
Хўжалик шартномаси субъектларига юридик хизмат кўрсатиш уларнинг юридик хизматлари ёки ана шу мақсадда шартнома асосида жалб этилган адвокатлар томонидан амалга оширилади («Хўжалик юритувчи субъектлар фаолиятининг шартномавий-ҳуқуқий базаси тўғрисида»ги Қонуннинг 20-моддаси).
Хўжалик шартномалари уларни имзолашга тайёрлаш жараёнида хўжалик юритувчи субъектларнинг юридик хизмати ёки жалб этилган адвокатлар томонидан қонун ҳужжатларига мувофиқлиги юзасидан текшириб кўрилиши керак. Шартномаларни уларнинг имзоларисиз тузишга йўл қўйилмайди (Қонуннинг 21-моддаси). Бироқ юрист имзосисиз шартномалар тузганлик учун жавобгарлик назарда тутилмаган.
Альберт Сафин, «Norma» МЧЖ эксперти.
