Ўзбекистон Республикасининг 2017 йилги асосий макроиқтисодий кўрсаткичлари прогнози ва Давлат бюджети параметрларига доир Президентнинг қарори (27.12.2016 йилдаги ПҚ-2699-сон) билан юридик шахслар ва якка тартибдаги тадбиркорлардан тадбиркорлик фаолиятининг айрим турлари бўйича қатъий белгиланган солиқ ставкалари қайта кўриб чиқилди («СБХ» ва «Норма маслаҳатчи»нинг 1, 2 ва 3-сонларида чоп этилган).
2017 йил 1 январдан бошлаб автотранспорт воситаларини вақтинча сақлаганлик учун юридик шахслардан олинадиган қатъий белгиланган солиқ ставкаси автотўхташ жойи кимнинг балансида эканлигига қараб қўлланади.
Автотранспорт воситаларини вақтинча сақлаганлик учун юридик шахслардан олинадиган қатъий белгиланган солиқ ставкалари 2016 йил даражасида сақланган ва 1 кв.м учун ойига:
Тошкент шаҳри учун – 0,1 ЭКИҲ;
Нукус шаҳри ва вилоят бўйсунувидаги шаҳарлар учун – 0,06 ЭКИҲ;
бошқа аҳоли пунктлари учун – 0,04 ЭКИҲни ташкил этади.
Бунда бозорлар балансидаги автотўхташ жойларидан 1 кв.м учун ойига қатъий белгиланган солиқ белгиланганидан икки баравар кам ставкада ундирилади:
Тошкент шаҳри учун – 0,05 ЭКИҲ;
Нукус шаҳри ва вилоят бўйсунувидаги шаҳарлар учун – 0,03 ЭКИҲ;
бошқа аҳоли пунктлари учун – 0,02 ЭКИҲ.
Музаффар Мирзағаниев,
«Norma Online» эксперти.