Қандай ҳолларда жаримани жойнинг ўзида тўлашга йўл қўйилади?
Назиров.
Чирчиқ шаҳри.
– Маъмурий жавобгарлик тўғрисидаги кодекснинг 283-моддасига кўра 2013 йил январдан бошлаб қуйидагилар ДЙҲХХ инспектори жойнинг ўзида жарима солишга ҳақли бўлган ЙҲҚни бузишларга киради (МЖТКнинг 138-моддаси 1, 2-қисмлари):
пиёдаларнинг йўл ҳаракатини тартибга солувчи сигналларга бўйсунмаслиги, уларнинг йўлнинг ҳаракат қисмини белгиланмаган жойлардан кесиб ўтиши, шунингдек мопед ва велосипед ҳайдовчиларининг, уловли аравани бошқариб борувчи ва йўлдан фойдаланувчи бошқа шахсларнинг йўл ҳаракатини тартибга солувчи сигналларга бўйсунмаслиги, устунлик берувчи, тақиқловчи ёки кўрсатма берувчи йўл белгилари талабларига риоя этмаслиги (ЭКИҲнинг 1/3 қисми миқдорида жарима);
ҳайдовчиларга ҳар хил хизмат кўрсатиш мақсадида йўлнинг қатнов қисмида фуқароларнинг туриши, йўлларга ажратилган минтақа теграсида мол боқиш (ЭКИҲнинг 1/2 миқдорида жарима).
Айбдорни суд айтади
Агар ЙТҲ айбдори хизмат автомобилининг ҳайдовчиси бўлса, етказилган зарарни ким тўлаши керак – ҳайдовчими ёки автомобиль тегишли бўлган ташкилотми?
У.Салоҳиддинов.
– Йўл-транспорт ҳодисаси иштирокчиларининг айбдорлик даражаси ва ундан моддий зарар ундириладиган тараф суднинг ҳал қилув қарори билан Ўзбекистон Республикаси ИИВ ДЙҲХХ суриштирув органлари томонидан тўпланган ҳужжатлар асосида аниқланади.
Холматжон Сайдалиев,
ЎзР ИИВ Йўл ҳаракати хавфсизлиги бош бошқармасининг бошлиғи.