Квартира масаласи осон эмас
Фуқаролик ишлари бўйича судга О. собиқ эрини бошқа турар жой берган ҳолда квартирадан кўчириш ва квартирадан фойдаланиш ҳуқуқини йўқотиши тўғрисида даъво билан мурожаат қилди. Даъвогарга низолашилаётган 4 хонали квартиранинг ярми тегишли. Қолган ярмининг мулкдори – унинг собиқ эри квартирадаги қулфларни ўзгартирган, аёл ҳам, унинг ишончли шахси ҳам у ерга кира олмайди. Аёлнинг даъво қилишича, квартирада жавобгарнинг ўзи яшамайди, уни ғайриқонуний равишда ижарага беради, коммунал хизматлар ҳақини тўламайди. Даъвогар аёлнинг ўзи ҳозирги вақтда Россияда яшаши туфайли, унинг ишончли шахси Тошкентда жавобгар учун 2 хонали квартира харид қилган. У суддан собиқ эрини ўша турар жойга кўчиришни сўраяпти.