Norma.uz

Бўлиб-бўлиб ижро этиш тўғрисида

Хўжалик судининг ҳал қилув қарори билан жавобгардан даъвогар фойдасига 640 000 000 сўм ундириш тўғрисида ҳукм чиқарилди. Сўнгра апелляция инстанциясининг қарори билан ундириладиган сумма 500 000 000 сўмгача камайтирилди. Ижро варақасини маърузачи судья ишни апелляция инстанциясида кўриш чоғида берди. Ижро этиш давомида даъвогар ва жавобгар суднинг ҳал қилув қарори ижросини бўлиб-бўлиб амалга оширишга келишиб олиб, қарзни сўндириш жадвалини имзоладилар.

Ижрони бўлиб-бўлиб амалга ошириш тўғрисидаги аризани ким кўриб чиқади? Биринчи инстанция ҳал қилув қарорини қабул қилган судьями ёки ундирув суммасини камайтирган апелляция инстанцияси судими?

А.Қудабекова, ЁАЖ бош бухгалтери,

Ж.Мираҳмедова, ЁАЖ юрисконсульти.

 

– Саволингизда баён этилганлардан аён бў­лишича, иш бўйича охирги қарорни апелляция инстанцияси қабул қилган, у суммани 500 000 000 сўмгача камайтирган ва апелляция инстанциясининг қарорига асосан ижро варақаси берилган.

Хўжалик процессуал кодексининг 217-мод­дасига асосан хўжалик суди суд ижрочиси, ундирувчи ёки қарздорнинг аризасига кўра ҳал қилув қарорининг ижросини кечиктириш ёки уни бўлиб-бўлиб ижро этишга, шунингдек ижро этиш усулини ва тартибини ўзгартиришга ҳақли.

Шу муносабат билан ижрони бўлиб-бўлиб амалга ошириш тўғрисидаги аризани апелляция инстанцияси суди кўриши керак.

Павел СИЛЬНОВ,

адвокат

Прочитано: 2037 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика