Ногиронлик (II гуруҳ) бўйича пенсия олдим. Оғир касаллигим туфайли қайта тиббий кўрикдан ўта олмадим. Пенсия тўлови тўхтатилди. 3 ой ўтди. Ҳозир комиссиядан ўтяпман ва менга I гуруҳ ногиронлиги белгиланяпти.
Ушбу ойлар учун ололмай қолган пенсиям тўлаб бериладими?
– Узрли сабабга кўра қайта кўрикдан ўтиш муддати ўтказиб юборилганда, агар ТМЭК уни ана шу даврда ногирон бўлган деб топса, пенсия тўлаш тўлов тўхтатиб қўйилган кундан бошлаб то қайта кўрикдан ўтиш кунигача, лекин кўпи билан ўтган 3 йил учун давом эттирилади. Бунда ногирон қайта кўрикдан ўтказиш чоғида ногиронликнинг бошқа гуруҳига (юқори ёки паст гуруҳга) ўтказилган бўлса, пенсия кўрсатиб ўтилган вақт учун аввалги гуруҳ бўйича тўланади (Қонуннинг 55-м.).
Зафаржон Хўжаев, «Norma» МЧЖ эксперти.
Маълумот учун
Байналмилал бурчни бажаришда жанговар ҳаракатларда ИШТИРОК ЭТИШ стаж учун УЧ ҲИССА баробарида ҳисобга олинади.
Меҳнатда майибланиш ёки касб касаллиги оқибатида I ва II гуруҳ ногиронлигида бўлинган ВАҚТ ёшга доир ёки боқувчисини йўқотганлик пенсияси тайинланаётганида стажга ҚЎШИБ ҲИСОБЛАНАДИ.