Norma.uz
СБХ / 2019 йил / № 40 / Солиқ солиш

Дивидендлар товарлар билан тўланганда ҚҚС ҳисоби

 

Умумбелгиланган солиқларни тўловчи корхона муассисга (жисмоний шахсга) дивидендлар ҳисобига омбордаги товарни таннархи бўйича реализация қилади.

Товар таннархи – 100 минг сўм, ҚҚС (20%)* – 20 минг сўм, дивидендлардан солиқ - 5% бўлганда, тўланадиган дивидендлар суммасини қандай тўғри ҳисоблаш мумкин?

Тўғри ҳисоб-китоб қилганмизми: тўланадиган дивидендлар суммаси – 126,32 минг сўм, улардан дивидендлардан солиқ - 6,32 минг сўм, товар қиймати ҚҚС билан – 120 минг сўм?

Дивидендлар товар билан тўланганда ҚҚС дивидендларни тақсимлаш суммасига киритилиши лозимми?

 

Ҳа, дивидендлар товар билан тўланганда ҚҚС уларни тақсимлаш суммасига киритилади.

Муассисга дивидендларни тўлаш ҳисобига товар берилиши товарларни реализация қилиш обороти деб ­эътироф этилади (Солиқ кодексининг 199-моддаси 1-банди). Товар таннархи – 100 минг сўм, ҚҚС (20%)* – 20 минг сўм, ҚҚС билан умумий етказиб бериш қиймати 120 минг сўмни ташкил қилади.

Дивидендлар кўринишидаги даромадлар жисмоний шахсларнинг мулкий даромадлари ҳисобланади (Солиқ кодексининг 176-моддаси ­2-банди), уларга 5%лик ставкада (Солиқ кодексининг 181-моддаси 2-хатбошиси) тўлов манбаида жисмоний шахслардан олинадиган даромад солиғи солинади (Солиқ кодексининг ­184-моддаси 3-банди). ҚҚС тўланадиган дивидендлар суммасига киритилади.

Муассисга дивидендлар ҳисобига ҚҚС билан 120 минг сўмлик товар тўланган бўлса, демак, ушбу сумма дивидендлардан солиқ чегирилган ҳолда 95%ни ташкил қилади. Тегишинча, тўланадиган дивидендлар суммаси 126,32 минг сўмни (120 х 100 / 95) ташкил этади.

Дивидендлар кўринишидаги даромад солиғининг суммаси 6,32 минг сўмни (126,32 х 5%) ташкил этади.

Демак, тўғри ҳисоб-китоб қилгансиз.

 

Жавобни «Norma» МЧЖ экспертлари тайёрладилар.

 

Прочитано: 679 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика