Norma.uz
Норма маслахатчи / 2018 йил / № 47 / Хўжалик юритиш қоидалари

Талаблар ўзгарди, бироқ лицензия ўз кучини йўқотмайди

 

Улгуржи савдога лицензия 2013 йилда олинган. Корхонанинг устав фонди 3 500 ЭКИҲ миқдорида шакллантирилган (шундан 1 200 ЭКИҲ – пул маблағлари билан).

Улгуржи савдога лицензия олиш учун устав фондининг миқдори 3 500 ЭКИҲни ташкил этиши ҳақидаги талаб бекор қилинганлиги муносабати билан, агар устав фонди миқдори камайтирилса, у ўз кучини сақлаб қоладими?

 

Ҳа, лицензия ҳақиқийлигича қолади.

Қуйидагилар улгуржи савдо фаолиятини амалга оширишнинг лицензия талаблари ва шартлари ҳисобланади:

► ЎзРнинг улгуржи савдо фаолиятини амалга оширишни тартибга солувчи қонун ҳужжатларига риоя қилиш;

► мажбурий тартибда сертификатланиши керак бўлган товарлар сотилган тақдирда мувофиқлик сертификатлари ёки маҳсулот ишлаб чиқарувчи корхоналарда сертификатланганлиги тўғрисидаги маълумотлар ёхуд уларнинг нусхалари мавжуд бўлиши (ВМнинг 5.11.2005 йилдаги 242-сон қарори билан тасдиқланган Низомнинг 9-банди).

ЭКИҲнинг камида 3 500 баравари миқдорида, улардан ЭКИҲнинг камида 1 200 баравари миқдорида пул маблағлари билан шакллантирилган устав фондининг мавжуд бўлиши ҳақидаги талаб ВМнинг 3.05.2018 йилдаги 323-сон қарори билан бекор қилинди.

Мазкур талаб бекор қилинганлиги муносабати билан корхонанинг устав фонди камайтирилиши мумкин. Бироқ унинг миқдори қонун ҳужжатларида сизнинг юридик шахс ташкилий-ҳуқуқий шакли учун назарда тутилган энг кам миқдордан оз бўлмаслиги керак.

 

Саодат Усмонова,

«Norma» МЧЖ эксперти.

Прочитано: 824 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика