Божхона аудити: ТИФ иштирокчиси нималарни билиши муҳим

Божхона аудитини ривожлантириш «Янги Ўзбекистон божхонаси – 2030» стратегиясида назарда тутилган божхона маъмуриятчилигини ислоҳ қилиш йўналишларидан биридир. Сўнгги йилларда у божхона назоратининг муҳим қисмига айланди. Бироқ, ташқи иқтисодий фаолиятнинг кўплаб иштирокчилари учун ушбу тартибнинг ўзи ҳали ҳам тўлиқ тушунарли эмас. Божхона аудити қачон ўтказилади? Божхона органлари айнан нимани текширади? Қандай ҳужжатлар талаб қилиниши мумкин? Энг муҳими – бундай назорат тадбиркор аллақачон қоидабузарлик содир этганини англатадими?