Ўзбекистонда кексалар сони тобора ортиб бормоқда. «Оила ва гендер» илмий-тадқиқот институти маълумотларига кўра, 2025 йил бошига келиб мамлакатда 90 ва ундан катта ёшдаги 18 915 нафар фуқаро истиқомат қилади. Демографик прогнозларга кўра, 2040 йилга бориб бу кўрсаткич 94 минг кишидан ошиши мумкин.
Узоқ умр кўрувчиларнинг аксарияти аёллардир: улар умумий аҳолининг 66,3%ини ташкил қилади. Ушбу ёш тоифасидаги эркаклар деярли икки баравар кам – 34,6%.
Энг кўп 90 ёшдан ошганлар Фарғона вилоятида рўйхатга олинган, ундан кейинги ўринларда Тошкент шаҳри, Қашқадарё, Сурхондарё ва Тошкент вилоятлари туради. Шу билан бирга, узоқ умр кўрувчиларнинг ярмидан кўпи шаҳарларда, қолганлари эса қишлоқ жойларда яшайди. Мутахассислар нуронийлар сонининг кўпайишини бир вақтнинг ўзида бир нечта сабаблар билан изоҳламоқда. Биринчидан, 1935–1950 йилларда туғилган кўп сонли авлод кекса ёшга етган. Иккинчидан, мамлакатда кутилаётган умр кўриш давомийлиги ошди: 2010 йилда у 73 ёшни ташкил этган бўлса, 2024 йилга келиб 75,1 ёшга етди.
Қизиғи шундаки, фуқароларнинг ўзлари фаол ижтимоий ҳаётни узоқ умр кўришнинг асосий омили деб билишади – сўралганларнинг 76,3%и шундай жавоб беришган.
Яна 38,8%и узоқ умр кўришга генетика ва мустаҳкам оилавий анъаналар ёрдам беришига ишонадилар.
Манба: caravan-info.uz
Мавзувий сонни махсус мухбиримиз Алла Ромашко олиб боради.