Қозоғистоннинг Ягона жамғариладиган пенсия жамғармасида (ЯЖПЖ) тўловлар учун мўлжалланган, лекин ҳали эгалари ёки уларнинг меросхўрлари томонидан талаб қилинмаган 37 миллиарддан ортиқ тенге мавжуд.
Эксперт Нурлан Кужаҳметов маълумотига кўра, тахминан 250 минг киши ушбу маблағларга даъво қилиши мумкин, бироқ ҳали уларга мурожаат қилинмаган.
Талаб қилинмаган жамғармалар орасида – тахминан 150 минг вафот этган қозоғистонликларнинг пенсия жамғармалари бор. Уларнинг қонуний мерос ҳуқуқига эга бўлган қариндошлари зарур ҳужжатларни расмийлаштирмаганлар. Нотариус томонидан мерос ҳуқуқига гувоҳнома берилмагунча, маблағлар ҳисобрақамларда қолаверади ва қонуний меросхўрларга ўтмайди. Шу билан бирга бундай маблағларни суд жараёни орқали эгасиз деб тан олиш хавфи мавжуд.
Меросхўрлардан ташқари, яна бошқа фуқаролар тоифалари жамғармаларни олиш ҳуқуқига ҳам эга:
• тахминан 60 минг киши, Қозоғистонни тарк этганлар. Ҳатто фуқаролигини ўзгартирган ёки чет элда доимий яшаётган бўлса ҳам, улар ўзларининг пенсия маблағларини олиш имкониятини сақлайдилар;
• пенсия ёшига етган, лекин пенсия тўловларини расмийлаштирмаган тахминан 56 минг қозоғистонлик. Улар буни истаган вақтда қилишлари мумкин.
ЯЖПЖ жамғармаларни олиш жараёни нисбатан оддий эканлигини эслатади. Вафот этган шахсда ҳисобрақам мавжудлигига ишонч ҳосил қилиш, нотариус қошида мерос ҳуқуқини расмийлаштириш ва жамғармага тегишли ариза топшириш керак. Маблағларни ариза берувчининг яшаш жойи ва фуқаролигидан қатъи назар, жумладан у Қозоғистон чегарасидан ташқарида бўлса ҳам, олиш мумкин.
Жорий курс бўйича 37 миллиард тенге тахминан 70 миллион АҚШ долларига тенг. Бу пуллар ҳозироқ қонуний эгаларига қайтарилиши мумкин – фақат ташаббус кўрсатиш ва ўз вақтида ҳужжатларни расмийлаштириш керак. Жамғарма фуқароларни ўз қариндошлари ёки ўзлари номига маблағлар мавжудлигини текшириш ва тегишлисини қайтариш имкониятини ўтказиб юбормасликни сўрамоқда.
Манба: Николай Ильясов, Восточний экспресс.
Маълумот учун.
Ташкилотнинг устав сармоясида (фондида) қатнашиш муносабати билан олинган даромадлар ва дивидендларни тақсимлаш тарзидаги ТЎЛОВЛАР иш ҳақи таркибига КИРИТИЛМАЙДИ.