Алоҳида кириш рухсат этилади

Кўп квартирали уйда яшовчи турар жойни нотурар жойга қайта тузди ва унда заргарлик устахонаси ташкил этишни қарор қилди. Кўп қаватли нотурар жойларда жойлашиш учун рухсат этилган фаолият турлари рўйхати бунга имкон беради. Шунга қарамай, қўшнилар билан низолар келиб чиқмаслиги учун тадбиркор қўшнилардан ёзма розилик олди. Уларнинг кўпчилиги қарши бўлмадилар. Нотурар жой эгаси ваколатли органларга мурожаат қилди, рухсат берувчи ҳужжатларни олди, жумладан нотурар жойга алоҳида кириш эшиги ва соябонли пиллапояга ҳам рухсатнома олди. Барчаси тайёр бўлгач, қўшниларнинг бир қисми кутилмаганда қарши чиқиб қолишди ва ҳаммасини асл ҳолига қайтаришни талаб қилишди. Буни эса уйнинг олд қисми уларнинг умумий мулки ҳисобланиши ва алоҳида кириш олд қисмнинг яхлитлигига ва уйнинг эстетик кўринишига путур етказиши билан асослашди. Мазкур ҳолатда тадбиркор турар жой мулкдорларининг ҳуқуқларини бузадими?