Биринчи навбатда қонун кейин реновация
«Шаҳарсозлик реновацияси тўғрисида»ги қонун лойиҳаси ҚҲТБТ порталида жамоат муҳокамасига қўйилган вақтда, Тошкент шаҳар ҳокими пойтахтнинг олтита туманида – Мирзо Улуғбек, Сергели, Шайхонтоҳур, Чилонзор, Яшнобод ва Яккасарой туманларида реновация лойиҳаларини амалга ошириш тўғрисида қарор қабул қилган эди. Ҳокимнинг қарорида кўрсатилган туман ва ҳудудларда кенг кўламли қурилиш ишларини ўтказиш назарда тутилган. Янгиланиши лозим бўлган объектлар белгиланган. Эски кўп қаватли биноларни бузиб, уларнинг ўрнига инвесторлар янги биноларни қуриши режалаштирилган.