БК хизматларини буюртма қиладиган мулкдорлар хўжалик юритувчи субъектлар ҳисобланмайди
«Даракчи» ҳафтаномасининг 19.05.2022 йилдаги 20-сонида «УМШдан бошқарувчи компанияга ўтиш: ихтиёрийми ёки мажбурий?» мақоласи эълон қилинди. Унда кўп квартирали уйларнинг умумий мол-мулкини бошқаришни профессионал даражага олиб чиқиш билан боғлиқ муҳим масалалар ёритилди. Ушбу жараён мамлакатда оғир кечмоқда, тарафлар ўртасидаги низоларга, аҳолининг норозилигига сабаб бўлмоқда. ККУдаги жой мулкдорларининг бошқарувнинг учта усулидан бирини танлаш эркинлиги назарда тутилган қонун ҳужжатлари нормалари бузилади. Шунга қарамай, маҳаллий давлат ҳокимияти органлари бошқа тузилмаларни қўллаб-қувватлашда мулкдорларнинг розилигини олмасдан, ноқонуний тарзда УМШдан БКга ўтишга мажбурлашмоқда.