Norma.uz

Ҳушёр бўлинг. Янги қурилган уйлардан янгичасига «қувилган» харидорлар

 

Одамлар янги қурилган уйлардаги муаммоларга борган сайин кўпроқ дуч келишмоқда. Айримлар шартнома бўйича керакли пулларни тўлаб қўйиб, ўз квартираларини вақтида олишолмаяпти ва қурилиш тугашини йиллар давомида кутиб қолишмоқда. Бошқалар орзиқиб кутилган уйларига кириб олгач, носоз санитария техникаси ва дераза-ромлар, юпқа деворлар ва бошқа кўплаб етишмовчиликлар гирдобида қолишмоқда. Яқинда харидорларни тентак қилишнинг рўйхати янги номдагиси билан тўлдирилди, дея хабар беради podrobno.uz мухбири «Истеъмолчи.уз» ҳамжамиятига ҳавола қилган ҳолда. 

 

Иш бундай бўлган эди: бир оила 2020 йилда янги қурилган уйни сотиб олди, бунинг учун 339,9 млн сўм тўлади, сўнгра таъмирлов ишларини бажариб, уйга кўчиб ўтди. Ҳаммаси рисоладагидек эди чамаси, лекин қурувчи кадастр ҳужжатларини беришни кечиктириб юборди, ваъдаларни эса қоплаб берарди.

Қўққисдан маълум бўлдики, ушбу янги қурилган уйлар орасида 14 та квартирани, шу жумладан биз тилга олган оилага сотилган квартирани савдога қўйишган экан. Уни исталган савдода қатнашганлар олиши мумкинлиги маълум қилинди.

Кейин маълум бўлишича, қурувчи банкдан кредит олган бўлиб, уни қайтара олмаётган экан. Банк билан ҳисоблашиш учун қурувчи қарз ўрнига банкка уйдаги квартираларни, хусусан, сотиб бўлинган уйларни берган.

Оқибатда қарзни сўндириш эвазига олинган квартираларда, озми-кўпми, пулини тўлаб қўйган одамлар истиқомат қилаётгани банкни қизиқтирмади. Қурувчининг иши эса «беш» – у уй харидорларидан ҳам пулни олган, банк олдидаги қарзидан ҳам қутилган. Одамлар эса – исталганча йўл тутинг, деб ташлаб қўйилган.

Яшовчилар катта изтиробда. Улар турли идораларнинг остонасига бош уриб боришди, ҳозирча натижа йўқ. Аксарият фойдаланувчилар кадастр йўқми, демак квартира ҳам йўқ, энди уларга ҳеч нарса ёрдам бера олмайди, деб ёзишмоқда. Маблағи йўқ қурувчи билан йиллар давомида судлашиш ҳам – бесамар иш.

Гапнинг индаллоси, янги қурилишлардан уй олаётганда ҳушёрликни йўқотманг. Бундай бошбошдоқликдан ҳеч ким омонда эмас.

Прочитано: 222 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика