Илгари «Солиқ ва божхона хабарлари» ва «Норма» газеталари обунасига ҚҚС солинмас эди. Корхона абонемент асосида обуна қийматини обунанинг тўлиқ даври учун келгуси давр харажатларига олиб бораётган эди. 2020 йилдан бошлаб ҳар бир обуна ойи учун алоҳида ҳисобварақ-фактуралар ола бошладик. 2020 йилининг 1 апрелидан ойидан бошлаб ҳисобварақ-фактура НДС билан тақдим этилмоқда. Корхона ҚҚС тўловчиси бўлиб ҳисобланади.
Обуна бўйича ойлик харажатларга (ҚҚС билан) қандай бухгалтерия ўтказмалари берилади ва ҚҚС суммасини ҳисобга олиш мумкинми?
– Даврий нашрларга обуна бўйича ҚҚС суммаси ҳисобга олиниши мумкин, башарти обуначи корхона ҚҚС тўловчиси бўлса ва унинг солиқ солинадиган айланмалари мавжуд бўлса (СК 266-м. 1-қ.).
Газеталарга обуна харажатлари бўйича қуйидаги бухгалтерия ўтказмалари амалга оширилади:
|
Хўжалик операцияси мазмуни |
Ҳисобварақлар корреспонденцияси |
|
|
дебет |
Кредит |
|
|
Обуна учун ойлик харажат суммасининг тан олиниши |
9430-«Бошқа операцион харажатлар» |
6010-«Мол етказиб берувчилар ва пудратчиларга тўланадиган счётлар» |
|
Обуна бўйича ҚҚС суммаси ҳисобга олинди
|
4410-«Бюджетга солиқлар ва бошқа мажбурий тўловлар бўйича бўнак тўловлари (турлари бўйича) |
6010-«Мол етказиб берувчилар ва пудратчиларга тўланадиган счётлар»
|
