Умумбелгиланган солиқларни (20%) тўловчи ишлаб чиқариш корхонаси фойдаланилган электр энергияси учун ҚҚС ажратиб кўрсатилган ҳисобварақ-фактурани олди. Корхонанинг барча реализация қилиш оборотларига қўшилган қиймат солиғи солинади.
Корхонанинг барча реализация қилиш оборотларига 20%лик ставкада ҚҚС солинганлиги боис фойдаланилган электр энергия учун ёзиб берилган ҳисобварақ-фактураларда кўрсатилган ҚҚС суммаси тайёр маҳсулот таркибига киритиладими?
– Қуйидаги шартлар бажарилган тақдирда, фойдаланилган электр энергия учун ёзиб берилган ҳисобварақ-фактуралардаги ҚҚСни ҳисобга қабул қилишингиз мумкин (Солиқ кодексининг 218-моддаси 1-қисми):
1) корхонангиз 20%лик ставкада ҚҚС тўловчи ҳисобланганда;
2) электр энергиясидан солиқ солинадиган оборотда, шу жумладан ноль даражали ставка бўйича солиқ солинадиган оборотда фойдаланилганда;
3) Солиқ кодексининг 222-моддасига мувофиқ тақдим этиладиган ҳисобварақ-фактура электр энергияни етказиб берувчи томонидан ҚҚС ажратиб кўрсатилган ҳолда ёзиб берилганда. Электр энергияни етказиб берувчи ҚҚС тўловчи ҳисобланганда.
Бухгалтерия ҳисобида фойдаланилган электр энергияси учун ҳисобварақ-фактураларда кўрсатилган ҳисобга қабул қилинадиган ҚҚС суммаси қуйидаги проводкалар орқали акс эттирилади:
|
Хўжалик операциясининг мазмуни
|
Счётлар корреспонденцияси
|
|
|
дебет
|
кредит
|
|
|
Электр энергияси бўйича ҳисобварақ-фактурада акс эттирилган ҚҚС тан олинди
|
4410-«Бюджетга солиқлар ва бошқа мажбурий тўловлар бўйича бўнак тўловлари (ҚҚС)»
|
6010-«Мол етказиб берувчилар ва пудратчиларга тўланадиган счётлар»
|
|
Солиқ солинадиган оборотларда фойдаланилган кирувчи ҚҚС ҳисобга олинди
|
6410-«Бюджетга тўловлар бўйича қарз (ҚҚС)»
|
4410-«Бюджетга солиқлар ва бошқа мажбурий тўловлар бўйича бўнак тўловлари (ҚҚС)»
|
Жавобни «Norma» МЧЖ экспертлари тайёрладилар.
