Norma.uz
Газета СБХ / 2019 год / № 42 / Солиқ солиш

МЧЖ фойдасига улушдан воз кечиш

 

Қўшма корхона (МЧЖ) ташкилий мақомини МЧЖга ўзгартираяпти. Бунда чиқиб кетаётган хорижий муассис устав капиталидаги улушидан корхона фойдасига воз кечаяпти. Унинг устав фондидаги улуши – 190,0 млн сўм ёки 60%. 1.01.2019 йилдаги ҳолатга кўра корхонанинг тақсимланмаган фойдаси 200,0 млн сўмни ташкил этади. Корхона УКдаги воз кечилган улуш суммасидан 12% фойда солиғини, ­яъни 22,8 млн сўм (190,0 х 12%) тўлайди. Бунда корхонанинг тақсимланмаган фойдасига ҳам солиқ солиниши керакми ёки қолган муассислар кейинчалик уни тақсимлашда дивиденд солиғини (5%) тўлайдиларми?

Чиқиб кетаётган муассис ўз улушидан корхона фойдасига воз кечганда ва дивидендларни ҳам олмаганда қандай солиқ оқибатлари юзага келади?

 

– Жамият чиқиб кетаётган иштирокчига соф активлар ҳисоб-китоби билан унинг улушининг ҳақиқий қийматини тўлаши шарт. Сизнинг ҳолатда тақсимланмаган фойда мавжудлиги сабабли у номинал қийматдан юқоридир. Соф активларнинг (улуш ҳақиқий қийматининг) устав фондига киритилган улуш чегирган ҳолдаги қисми дивидендлар сифатида қаралади ва унга даромад манбаида солиқ солинади (Солиқ кодексининг 22-моддаси 7-хатбошиси).

Белгиланган устав капитали миқдори камайтирилганда ва воз кечилган улушнинг ҳақиқий қиймати (дивидендларни ҳисобга олган ҳолда) корхона тасарруфида қолганда, у текин олинган мол-мулк сифатида жами даромадга киритилади ва унга фойда солиғи солинади (Солиқ кодексининг 129, 132, 135-моддалари).

Устав капиталининг миқдори ўзгармаган ҳолатларда:

дивидендлар – соф активларнинг бир қисми чиқиб кетаётган муассис улушининг номинал қийматини чегирган ҳолда корхонанинг фойда солиғи бўйича солиқ солинадиган базага киритилади;

улушнинг номинал қиймати қолган МЧЖ иштирокчилари ўртасида тақсимланади.

Муассисларда текин олинган мол-мулк тарзидаги даромадлар юзага келади (Солиқ кодексининг 135, 177-моддалари).

Муассислар жисмоний шахслар бўлса, улар ЖШДСни йил якунланганидан кейин солиқ органларига декларация тақдим этиш орқали тўлайдилар (Солиқ кодексининг ­192-моддаси).

Муассислар юридик шахслар бўлганда, улар текин олинган улушни фойда солиғи бўйича солиқ солинадиган базага киритадилар (Солиқ кодексининг 135-моддаси).

 

Жавобни «Norma» МЧЖ экспертлари тайёрладилар.

 

Прочитано: 1103 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика