Корхона алкоголсиз маҳсулотлар ишлаб чиқариш билан шуғулланади. Асосий фаолиятдан ташқари аҳолидан шиша идишларни қабул қиламиз. Аҳоли билан ўзаро ҳисоб-китоб қилиш учун банкдан нақд пул оламиз.
Жисмоний шахсга шиша идиш учун ҳақ тўлашда тўлов манбаи сифатида ЖШДС ушлаб қолишимиз лозимми?
– Жисмоний шахсга хусусий мулк ҳуқуқи асосида тегишли бўлган мол-мулкни сотишдан олинадиган даромадларга солиқ солинмайди (Солиқ кодексининг 179-моддаси 11-банди).
Жисмоний шахслар учун шиша идишларни сотиб олиш солиқ солинмайдиган мулкий даромад ҳисобланади.
Тегишинча, шиша идишларни қабул қилиш пункти жисмоний шахсларга шиша идишлар учун пул тўлаш чоғида ЖШДСни ушлаб қолмаслиги лозим.
Жавобни «Norma» МЧЖ экспертлари тайёрладилар.
