ВМнинг 28.04.2011 йилдаги 122-сон қарорига мувофиқ, муайян турдаги товарларни ишлаб чиқарувчига (ЎзР) мувофиқлик сертификати олиш мажбурияти юклатилган.
Агар харидорга бундай товар етказиб берилган ва ҳақи тўлиқ тўланган бўлса, ишлаб чиқарувчи харидорга сертификатни талаб қилмаса ҳам бериши шартми?
– Ҳа, муайян ҳолларда мувофиқлик сертификатларини тақдим этиш зарур.
Чакана савдони амалга оширувчи юридик шахслар, шунингдек якка тартибдаги тадбиркорлар товарларнинг сотиб олинганлигини тасдиқловчи ҳужжатларга, қонун ҳужжатларида белгиланган ҳолларда сотиш жойларида сотилаётган товарларнинг мувофиқлик сертификатларига эга бўлишлари шарт (ВМнинг 26.11.2002 йилдаги 407-сон қарори билан тасдиқланган Низомнинг 20, 32-бандлари).
Қонун ҳужжатларида товар Мажбурий тартибда сертификатланадиган, Ўзбекистон Республикаси ҳудудида ишлаб чиқариладиган ва унга олиб кириладиган маҳсулотлар турлари рўйхатига (ВМнинг 28.04.2011 йилдаги 122-сон қарорига 1-илова) киритилган ҳолларда мувофиқлик сертификати мавжуд бўлиши тўғрисида талаб белгиланган.
Александр Лобанов,
«Norma» МЧЖ эксперти.
