Касаллик варақасининг тегишли устунини тўлдириш учун ходимнинг стажини ҳисоблаб чиқаришда болани 2–3 ёшгача парваришлаш таътилида бўлган даври стажга кирадими?
Ж.Латипов.
– Болани парваришлаш таътили даври меҳнат стажига, лекин ҳаммасини жамлаганда кўпи билан 3 йил, қўшилади (МКнинг 234-моддаси).
Вақтинча меҳнатга лаёқатсизлик нафақасининг миқдори умумий меҳнат стажидан келиб чиқиб, вақтинча меҳнатга лаёқатсизлик бошланган кунда белгиланади.
Умумий меҳнат стажи меҳнат дафтарчаси ёки унинг ўрнига берилган бошқа ҳужжат асосида аниқланади (АВ томонидан 8.05.2002 йилда 1136-сон билан рўйхатдан ўтказилган Низомнинг 31, 32-бандлари).
Бинобарин, вақтинча меҳнатга лаёқатсизлик нафақаларини тайинлаш ва тўлашда болани парваришлаш таътили автоматик равишда кирадиган меҳнат дафтарчасидаги умумий меҳнат стажи ҳисобга олинади. Ходимнинг таътилда бўлган аниқ муддатлари унинг Т-2 шаклидаги шахсий карточкасида акс эттирилади.
Валерия Ляндрес, кадрлар хизмати ходими.
