Президентнинг 30.05.2017 йилдаги ПФ-5061-сон Фармони билан Ўзбекистон фуқароларининг биометрик паспортлари ва фуқаролиги бўлмаган шахсларнинг биометрик ҳаракатланиш ҳужжатларини ҳисобга олиш ва йўқ қилиш тартиби белгиланган (ҳужжат матни давлат раҳбарининг prezident.uz расмий сайтида эълон қилинган).
Маълумот учун: айни пайтда биометрик паспортлар Ўзбекистон Республикасида паспорт тизими тўғрисидаги низомга (5.01.2011 йилдаги ПФ-4262-сон Фармонга 1-илова) мувофиқ Вазирлар Маҳкамаси ҳузуридаги Давлат персоналлаштириш марказида йўқ қилинади.
Фармон билан қуйидаги биометрик паспортлар ва фуқаролиги бўлмаган шахсларнинг биометрик ҳаракатланиш ҳужжатларини ҳисобга олиш ва йўқ қилиш тартиби жорий этилди:
► уларни тайёрлаш чоғида юзага келган брак сабабли яроқсиз деб топилган ҳамда алмаштириш учун ИИБнинг Миграция ва фуқароликни расмийлаштириш бўлинмалари ва ТИВнинг консуллик бошқармасидан қайтарилганлари – Вазирлар Маҳкамаси ҳузуридаги Давлат персоналлаштириш марказида;
► муддати ўтган ва ҳақиқий эмас деб топилганлари – ИИБнинг Миграция ва фуқароликни расмийлаштириш бўлинмалари ва ТИВнинг консуллик бошқармасида.
Олег Заманов,
«Norma Online» эксперти.