Norma.uz
Газета Норма маслахатчи / 2016 год / № 50 / Сизнинг ҳуқуқингиз

Алимент тўлаш мажбурияти бажарилса...

 

Қарздор ишламаган тақдирда суд буйруғига кўра алимент бўйича қарз ундирилганда қонун ҳужжатларига кўра неустойка қандай тартибда ҳисобланишини тушунтириб берсангиз.

Т.Болтаев,

газетхон.

 

– ЎзР Оила кодексининг 114-моддасига мувофиқ, алимент ундириш тўғрисидаги суднинг ҳал қилув қарори ёки суд буйруғи қонун ҳужжатларида белгиланган тартибда ижро этилади.

ЎзР Фуқаролик-процессуал кодексининг 219-моддаси 1-бандига мувофиқ, алиментлар ундириш тўғрисидаги суднинг ҳал қилув қарори (буйруғи) дарҳол ижро этилиши шарт.

Маъмурий жавобгарлик тўғрисидаги кодекснинг 39-моддасида назарда тутилишича, маъмурий жазони қўлланиш маъмурий ҳуқуқбузарлик содир этган шахсни бажарилмаганлиги учун маъмурий жазо қўлланилган вазифани бажаришдан озод этмайди.

«Суд ҳужжатлари ва бошқа органлар ҳужжатларини ижро этиш тўғрисида»ги ЎзР Қонунининг 23-моддасига мувофиқ, суд ижрочиси ижро ҳужжатини суд ёки бошқа органдан ёхуд ундирувчидан ижро учун қабул қилиб олиши ва ижро иши юритишни қўзғатиши шарт.

Суд ижрочиси ижро ҳужжатини олган кундан эътиборан уч кундан кечиктирмай ижро иши юритишни қўзғатиш тўғрисида қарор чиқаради.

Суд ижрочиси ижро иши юритишни қўзғатиш тўғрисидаги қарорда ижро ҳужжатидаги талабларни ихтиёрий равишда бажариш учун ижро иши юритиш кўзғатилган кундан эътиборан кўпи билан беш кун муддат белгилайди ва қарздорни мазкур муддат тугаганидан кейин ижро ҳужжатидаги талаблар ундан ижро йиғими, суд ижрочиси томонидан қарздорга солинган жарималар, шунингдек ижро харажатлари ундирилган ҳолда мажбурий ижро этилиши тўғрисида хабардор қилади.

ЎзР Оила кодексининг 142-моддасига мувофиқ, суднинг ҳал қилув қарори ёки суд буйруғига кўра алимент тўлаши шарт бўлган шахснинг айби билан қарз вужудга келган бўлса, айбдор шахс кечиктирилган ҳар бир кун учун тўланмай қолган алимент суммасининг ўндан бир фоизи миқдорида алимент олувчига неустойка тўлайди.

Алимент олувчи алимент ўз вақтида тўланмаганлигида айбдор алимент тўлаши шарт бўлган шахсдан алимент тўлаш мажбуриятларини ўз вақтида бажармаганлик оқибатида етказилган барча зарарларнинг неустойка билан қопланмаган қисмини ундиришга ҳам ҳақлидир.

Юқоридагилардан келиб чиқилса, алимент тўлаш муддатини кечиктирганлик учун тўланиши лозим бўлган неустойка суммаси қуйидаги тартибда ҳисобланади.

Масалан, ижро ишини қўзғатиш тўғрисидаги қарорда алимент тўлаш муддати ҳисобот ойидан кейинги ойнинг 5-санасидан кечиктирилмаслиги керак деб белгиланган. Агар бу кун дам олиш кунига тўғри келиб қолса, алимент биринчи иш кунида тўланади.

Бинобарин, ундирувчига алимент 5-санадан кечиктирмай тўланиши керак.

Шу санада алимент тўланмаганда 6-санадан бошлаб алимент тўланган кунгача кечиктирилган ҳар бир кун учун 0,1% миқдорида неустойка ҳисобланади.

 

Сиз тақдим этган маълумотлардан келиб чиқилса, алиментни ўз вақтида тўламаганлик учун 2016 йил 6 декабрдаги ҳолатга кўра қуйидаги миқдорда неустойка ҳисобланиши лозим:

 

Йил

 

Ой

 

Тўланиши лозим бўлган алимент суммаси (сўмда)

 

Алиментни тўлаш учун белгиланган сана

 

06.12.2016 йилдаги ҳолатга кўра муддати ўтказилган кунлар сони

 

Ўз вақтида тўламаганлик учун неустойка суммаси, ҳар бир кечиктирилган кун учун 0,1% миқдорида (сўмда)

 

Жами, неустойка билан қўшиб ундирилиши лозим бўлган алимент суммаси (сўмда)

 

2015

 

июнь

 

234 311

 

05.07.2015

 

520

 

121 842

 

356 153

 

2015

 

июль

 

351 467

 

05.08.2015

 

489

 

171 867

 

523 334

 

2015

 

август

 

351 467

 

05.09.2015

 

458

 

160 972

 

512 439

 

2015

 

сентябрь

 

351 467

 

05.10.2015

 

428

 

150 428

 

501 895

 

2015

 

октябрь

 

351 467

 

05.11.2015

 

397

 

139 532

 

490 999

 

2015

 

ноябрь

 

351 467

 

05.12.2015

 

367

 

128 988

 

480 455

 

2015

 

декабрь

 

351 647

 

05.01.2016

 

336

 

118 153

 

469 800

 

2016

 

январь

 

351 467

 

05.02.2016

 

305

 

107 197

 

458 664

 

2016

 

февраль

 

351 647

 

05.03.2016

 

276

 

97 055

 

448 702

 

2016

 

март

 

351 647

 

05.04.2016

 

245

 

86 154

 

437 801

 

2016

 

апрель

 

286 917

 

05.05.2016

 

215

 

61 687

 

348 604

 

2016

 

май

 

156 455

 

05.06.2016

 

184

 

28 788

 

185 243

 

2016

 

июнь

 

160 528

 

05.07.2016

 

154

 

24 721

 

185 249

 

 

 

 

 

4 001 954

 

 

 

 

 

1 397 385

 

5 399 339

 

 

 

Музаффар Мирзағаниев, «Norma Online» эксперти.

Прочитано: 2390 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика