Norma.uz
Газета СБХ / 2015 год / № 7 / Бевосита мулоқот

Тушликка марҳамат

Корхонамиз бошқа ташкилот билан озиқ-овқат маҳсулотларини тайёрлашга доир хизматлар кўрсатишга шартнома тузди. Унга кўра ходимларимиз унинг ошхонасидан комплекс овқат олишади. Ҳар бир ой охирида ушбу ошхонада овқатланган ходимлар сонидан келиб чиқиб биз бажарилган ишлар далолатномаси ва кўрсатилган хизматлар суммасига ҳисобварақ-фактура оламиз.

Ходимларнинг овқатланишини таъминлаш чоғида ҳужжатларни қандай қилиб тўғри расмийлаштириш керак? Унга компенсация ҳисоблаш ва унинг суммасига даромад солиғи солиш, шундан кейин эса уларнинг иш ҳақидан овқатланишнинг ҳақиқий қийматини ушлаш керакми? Ёки бундан енгилроқ вариант мавжудми?

В.Трапезникова,

МЧЖ ХК бош бухгалтери. 

 

– Ходимларни овқат билан таъминлаш шартларини жамоа шартномасида ёки корхонанинг бошқа локал ҳужжатларида (буйруқ, ички тартиб қоидалари, бепул овқатланиш тўғрисидаги низом ва бошқалар) акс эттириш керак. Ушбу ҳужжатларда бепул овқат тақдим этишнинг аниқ тартиби белгиланади ва ҳар бир ходимнинг овқатланишига сарфланган суммани ҳисоблаш қоидалари қайд этилади.

Овқат билан таъминлаш ёки унинг қийматини компенсациялаш вариантлари жуда кўп. Энг кўп тарқалганлари қуйидагилар:

ходимларга овқатланишга пул компенсацияларини тўлаш;

ҳақиқатда тўланган харажатлар суммасида, бироқ буйруқ билан белгиланган миқдордан кўп бўлмаган миқдорда овқатланиш харажатлари компенсацияси;

ўз ошхонасида овқатланишни тшкил этиш (талонлар бўйича);

«швед столи» тури бўйича овқатланишни ташкил этиш;

чет умумий овқатланиш ташкилоти хизматларига ҳақ тўлаш (ушбу ҳолда ҳам талон тизими қўлланиши мумкин).

Агар ташкилот талон тизимини танласа, ҳар бир ходим муайян суммага талонлар олганда алоҳида қайдномага имзо чекади ва улар билан ошхонадаги тушликлар учун ҳисоб-китоб қилади.

Компенсация тўловлари кўринишидаги даромадлар сифатида овқатланишга қўшимча тўловларга жисмоний шахслардан олинадиган даромад солиғи (Солиқ кодексининг 174-моддаси 13-банди), ягона ижтимоий тўлов ва суғурта бадаллари солинади (Солиқ кодексининг 307-моддаси).

1-вазият. Корхона овқатланишга талонлар беради. Уларнинг қиймати ЖШДС, ЯИТ ва суғурта бадаллари солиш учун ходимларнинг жами даромадига киритилади.

 

МИСОЛ. Январда ходимга қайднома бўйича ошхонада овқатланиш учун умумий қиймати 88 минг сўм бўлган 22 та талон берилди. Унинг иш ҳақи 400 минг сўмни ташкил қилади. Корхона ошхонага бўнак билан 88 минг сўм ўтказди. Ходимнинг жами даромади 488 минг сўмни ташкил қилади.

Бу ҳолат бухгалтерия ҳисобида қуйидагича акс эттирилади:

Хўжалик операцияларининг мазмуни

 

Сумма (сўм)

 

Ҳисобварақлар корреспонденцияси

 

дебет

 

кредит

 

Тузилган шартномага кўра овқатланиш учун ошхонага тўланди

 

88 000

 

4330-«Берилган бошқа бўнаклар»

 

5110-«Ҳисоб-китоб счёти»

 

Ҳисобварақ-фактура бўйича талонлар олинди

 

88 000

 

5920-«Бошқа жорий активлар»

 

6010-«Мол етказиб берувчилар ва пудратчиларга тўланадиган счётлар»

 

Бўнак ёпилди

 

88 000

 

6010-«Мол етказиб берувчилар ва пудратчиларга тўланадиган счётлар»

 

4330-«Берилган бошқа бўнаклар»

 

Қайднома бўйича талонлар берилди

 

88 000

 

4790-«Ходимларнинг бошқа қарзлари»;

9220-«Бошқа активларнинг чиқиб кетиши»

9220-«Бошқа активларнинг чиқиб кетиши»;

5920-«Бошқа жорий активлар»

Талонларни олиш харажатлари ҳисобдан чиқарилди

 

88 000

 

9430-«Бошқа операцион харажатлар»;

6710-«Меҳнат ҳақи бўйича ходим билан ҳисоблашишлар»

6710-«Меҳнат ҳақи бўйича ходим билан ҳисоблашишлар»;

4790-«Ходимларнинг бошқа қарзлари»

Ходимга иш ҳақи ҳисобланди

 

400 000

 

2010-«Асосий ишлаб чиқариш»;

9410–9430-«Давр харажатлари»

6710-«Меҳнат ҳақи бўйича ходим билан ҳисоблашишлар»

 

Жисмоний шахслардан олинадиган даромад солиғи ушланди

 

31 416

 

6710-«Меҳнат ҳақи бўйича ходим билан ҳисоблашишлар»

 

6410-«Бюджетга тўловлар бўйича қарз»

 

ШЖБПҲ суммаси ҳисобланди

 

3 696

 

6410-«Бюджетга тўловлар бўйича қарз»

 

6530-«Шахсий жамғариб бориладиган ҳисобварақларга тўловлар»

 

Мажбурий суғурта бадаллари (7%) ушланди

 

34 160

 

6710-«Меҳнат ҳақи бўйича ходим билан ҳисоблашишлар»

 

6520-«Мақсадли давлат жамғармаларига тўловлар»

 

Иш ҳақи тўланди

 

334 424

 

6710-«Меҳнат ҳақи бўйича ходим билан ҳисоблашишлар»

 

5010-«Миллий валютадаги пул маблағлари»

 

 

 

2-вазият. Корхона овқатланишга талонлар беради ва ўз харажатларини иш ҳақидан ушлаш билан қоплайди.

 

МИСОЛ. Январда ходимга қайднома бўйича ошхонада овқатланишга 88 минг сўм суммасида 22 та талон берилди, у ходимнинг иш ҳақидан ушланади. Ходимнинг жами даромади 400 минг сўмни ташкил қилади.

Бухгалтерия ҳисобида бу ҳолат қуйидагича акс эттирилади:

Хўжалик операцияларининг мазмуни

 

Сумма (сўм)

 

Ҳисобварақлар корреспонденцияси

 

дебет

 

кредит

 

Тузилган шартномага кўра овқатланиш учун ошхонага тўланди

 

88 000

 

4330-«Берилган бошқа бўнаклар»

 

5110-«Ҳисоб-китоб счёти»

 

Ҳисобварақ-фактура бўйича талонлар олинди

 

88 000

 

5920-«Бошқа жорий активлар»

 

6010-«Мол етказиб берувчилар ва пудратчиларга тўланадиган счётлар»

 

Бўнак ёпилди

 

88 000

 

6010-«Мол етказиб берувчилар ва пудратчиларга тўланадиган счётлар»

 

4330-«Берилган бошқа бўнаклар»

 

Қайднома бўйича талонлар берилди

 

88 000

 

4790-«Ходимларнинг бошқа қарзлари»;

9220-«Бошқа активларнинг чиқиб кетиши»

9220-«Бошқа активларнинг чиқиб кетиши»;

5920-«Бошқа жорий активлар»

Талонларнинг қиймати ходимнинг иш ҳақидан ушланди

 

88 000

 

6710-«Меҳнат ҳақи бўйича ходим билан ҳисоблашишлар»

 

4790-«Ходимларнинг бошқа қарзлари»

 

 

Ноила МУҚМИНОВА,

экспертимиз.

Прочитано: 1859 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика