Давлат Думасида 2025 йилда кимларнинг пенсиялари оширилиши ҳақида маълум қилишди. Давлат Думасининг меҳнат қўмитаси аъзоси Светлана Бессараб «Новости» РААга 2025 йилда ёшга доир суғурта пенсияларини икки марта: 1 февралдан ва 1 апрелдан индексация қилинишини айтди.
«Ёшга доир суғурта пенсиялари икки марта индексация қилинади. 2025 йил 1 февралдан инфляция фоизига ва 1 апрелдан инвестиция портфели ўсишига қараб», – деди Бессараб.
У 2025 йилда ишлаётган пенсионерларнинг пенсиялари ҳам ишламаётганларники каби қоидалар бўйича индексация қилинишини қўшимча қилди.
«Энг муҳими, индексация фоизи олдинги йилдаги инфляция ўсишидан паст бўлмайди. Айнан шунинг учун биринчи индексация 1 февралда бўлади, чунки прогноз қийматни эмас, балки олдинги йилнинг реал қийматини, инфляциянинг реал қийматини тўғри баҳолаш керак», – деб тушунтирди парламентарий.
1 апрелдан ижтимоий пенсиялар аввалгидек индексация қилинади.
Бессараб 2024 йил 1 октябрдан ҳарбий пенсиялар индексациялангандан кейин пенсионерларнинг пул таъминоти 89,32%ни ташкил этишини эслатиб ўтди, «бу умуман олганда, юз фоизли индексациядан 10 баллдан сал кўпроққа ажралади».
«Қонунчиликка кўра, биз бу пайтга келиб 78% ўсишига эришишимиз керак эди, шунинг учун 89,32 – бу анча катта силжиш бўлди. Шунга қарамай, ўйлайманки, биз тўхтаб қолмаймиз ва ҳарбий пенсионерларнинг пул таъминоти 2025 йилда ҳам инфляциянинг реал қийматига қараб ўсади», – деб ҳисоблайди у.
Бундан ташқари, 2025 йилда ишлаётган пенсионерларнинг пенсияси олдинги йилдаги иш даврида эришилган пенсия коэффициентлари даражасига қўшимча равишда оширилади, деб аниқлик киритди Бессараб.
«Шуни таъкидлаш керакки, чекловчи қонунчилик ҳамон амал қилмоқда, яъни меҳнатга лаёқатли ёшдаги ишловчилар олдинги йилги иши учун ўз пенсиясини максимал 10 баллга ошириши мумкин – бу етарлича юқори маошли мутахассислар, ишлаётган пенсионерлар эса уч балл билан чекланишга мажбурлар», – деб якунлади депутат.
Манба: «Новости» РАА.
Маълумот учун!
ТАШКИЛОТНИНГ устав капитали (фонди)да иштирок этиш муносабати билан олинган ДАРОМАДЛАР ВА ДИВИДЕНДЛАР тарзидаги ТЎЛОВЛАР иш ҳақи таркибига КИРИТИЛМАЙДИ.
Мавзувий сонни махсус мухбиримиз Алла Ромашко олиб боради.