Стратегик ислоҳотлар агентлиги сабабларини ўрганиб чиқди ва аҳволни яхшилаш бўйича бир неча таклиф берди.
Стратегик ислоҳотлар агентлиги Ўзбекистоннинг нима учун Allianz Pension Ranking 2023 пенсия рейтингида 75 мамлакат орасида 71-ўринни эгаллаганининг сабабларини ўрганиб чиқди. Агентлик пенсия тизимини ислоҳ қилиш учун президент фармони лойиҳасини ишлаб чиқишни таклиф қилди. Рейтингдаги пасайишнинг асосий сабаблари деб пенсия бадалларининг юқори даражаси (12–25%) ва аҳолининг паст қамрови (38%) ҳисобланди, бу эса норасмий бандликнинг юқорилиги билан боғлиқ. Ўзбекистоннинг пенсия тизими мажбурий бадалларга асосланган ва давлат бюджетидан молиялаштирилади. Пенсия жамғармаси даромадлари сўнгги 10 йил ичида 3,4 баробар, харажатлари эса 5 баробар ошган, дейилади хабарда. 2022 йилда пенсия тўловларига 11 трлн сўм ажратилган бўлса, 2023 йилда 15 трлн сўм режалаштирилган эди. 2030 йилда 38 трлн сўмгача бўлиши прогноз қилинмоқда. Тизимни яхшилаш учун Стратегик ислоҳотлар агентлиги қуйидагиларни таклиф қилди:
• Халқ банкидаги мажбурий жамғариб бориладиган пенсия ҳисобварақларини ихтиёрий ва бошқа банклар учун очиқ қилиб ўтказиш;
• йирик иш берувчилар учун касбий пенсия дастурларини жорий этиш;
• ўзини ўзи банд қилган шахслар учун бадалларни уларнинг даромадларига қараб белгилаш;
• бадаллар базасини кўпайтириш учун расмий бандлик даражасини, айниқса аёллар орасида ошириш.
Манба: Nova24.uz.