Ободонлаштириш ишлари доирасида кенгайтирилган кўп қаватли уйлар атрофидаги тротуарларни шахсий автомобиль эгалари ўзлаштиришга киришдилар. Бунинг натижасида уйга на кириб бўлади, на бошқа машинада ўтиб бўлади: аҳоли машиналарни оралаб ўтишга мажбур, онаизорларнинг эса болажонларни машина туртиб кетишидан жони ҳалак. «Тез ёрдам» машинаси зудлик билан қайилишни эплолмайди, авария хизматининг махсус транспорти ҳам гўёки «авария ҳолати»га тушиб қолгандек. Шу ерда яшайдиган аҳоли биланку… гаплашса бўлади, четдан келганлар билан-чи? Баъзида ҳар бир учраган киши деразангизнинг тагига машинасини қўндираверади – бизнес тузилмаларнинг ишчи ва мижозлари дейсизми, қўшни уй одамларими, меҳмонлар ва бошқалар ҳам. Лекин уй атрофидаги тротуарлар йўловчилар учун мўлжалланган. Бу жойга автомобиль воситасини қўйиш ва ҳаракатланиш тақиқланган. Бу йўл ҳаракати қоидасини бузиш ҳисобланади ҳамда бунинг учун жарималар белгиланган. Кўпчилик ЙҲХДХга мурожаат қилади, бу орган ходимлари аралашгандан кейин қоидабузарларга нисбатан жарималар қўлланилади. Бинобарин, машина тўхташ жойларида кўтариладиган доимий уруш-жанжаллар кишини толиқтиради, асабини эговлайди. Баъзида улар уй атрофидаги ҳудудга бегона автомобилларнинг кириб келишини тақиқлаш мақсадида шлагбаум ўрнатса бўладими, деб сўрашади.
Уй олдида шлагбаум ўрнатса бўладими?