Norma.uz
Норма маслахатчи / 2021 йил / № 24 / Қонунчиликдаги янгиликлар

Давлат иштирокидаги корхоналар сони қисқаради

 

Вазирлар Маҳкамаси томонидан 3.06.2021 йилдаги «Давлат иштирокидаги корхоналар фаолиятини қайта ташкил этиш ва тугатиш чора-тадбирлари тўғрисида»ги 350-сон қарор қабул қилинди.

 

Ҳужжатга мувофиқ 56 та вазирлик ва идоралар тасарруфидаги 593 та давлат иштирокидаги корхоналар қайта ташкил этилади ёки тугатилади.

Хусусан, қуйидаги корхоналар рўйхати тасдиқланди:

давлат муассасалари сифатида қайта ташкил этиладиган корхоналар (66);

филиал кўринишида қайта ташкил этиладиган корхоналар (73);

қонунчиликда белгиланган тартибда тугатиладиган, истиқболсиз, фаолият кўрсатмаётган, зарар кўриб ишлаётган ёки паст рентабелли корхоналар рўйхати (454).

Бугунги кунда Ўзбекистонда давлат иштирокидаги корхоналар сони 2 537 тани ташкил этади, иқтисодиётда давлат секторининг улуши эса юқорилигича – 55% бўлиб қолмоқда. Ушбу қарор давлат иштирокидаги корхоналар сонини 23,4%га қисқартириб уларнинг сонини 1 944 тагача етказиши кутилмоқда.

2022 йилдан бошлаб ҳар йили 1 ноябрга қадар сотиш, тугатиш ёки қайта ташкил этиш учун давлат иштирокидаги корхоналарнинг рўйхати тайёрланади.

Бандлик ва меҳнат муносабатлари вазирлигига тугатилаётган корхоналардаги ходимларни қонун ҳужжатларига мувофиқ ишга жойлаштириш ва уларни ижтимоий ҳимоя қилишни таъминлаш топширилди.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 4.06.2021 йилдан кучга кирди.

 

Лола Абдуазимова.

Прочитано: 150 раз(а)

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика