Norma.uz
Норма маслахатчи / 2021 йил / № 24 / Қонунчиликдаги янгиликлар

Қайси технологик ускуналар божхона божидан озод қилинади

 

Вазирлар Маҳкамасининг 04.06.2021 йилдаги 352-сон қарори билан Ўзбекистон Республикаси ҳудудига импорт қилишда божхона божи ва қўшилган қиймат солиғидан озод этиладиган, ўхшаши республикада ишлаб чиқарилмайдиган технологик асбоб-ускуналар рўйхати тасдиқланди (ҳужжат матни «Норма маслаҳатчи» ушбу сонининг ҳужжатлар пакетида берилмоқда). 

 

Ҳужжатни қабул қилиш мақсади – саноат тармоқларида ишлаб чиқариш ва инвестициялар ҳажмини ошириш ҳамда импорт қилинаётган технологик асбоб-ускуналар учун божхона имтиёзлари бериш механизмини такомиллаштириш.

Рўйхатга 676 турдаги асбоб-ускуналар киритилган, хусусан:

сутга ишлов бериш ва уни қайта ишлаш ускуналари;

нон маҳсулотлари, макарон, спагетти ёки шунга ўхшаш маҳсулотларни ишлаб чиқариш ускуналари;

қандолат саноати, какао кукуни ёки шоколад ишлаб чиқариш учун ускуналар;

гўшт ёки паррандани қайта ишлаш учун ускуналар;

калава бўяш машиналари;

автоматик тикув машиналари;

50 кишидан ортиқ, лекин 300 кишидан кўп бўлмаган йўловчи ўриндиқларига эга бўлган фуқаро йўловчи самолётлари.

Янги технологик асбоб-ускуна – бу «эркин муомалага чиқариш» божхона режимида расмийлаштирилган пайтда 3 йилдан кўп бўлмаган вақт олдин ишлаб чиқарилган технологик асбоб-ускуна.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 4.06.2021 йилдан кучга кирди.

Прочитано: 330 раз(а)

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика