Фойда солиғини ҳисоб-китоб қилиш чоғида никоҳдан ўтиш муносабати билан ҳамда қишлоқ хўжалиги маҳсулотларини сотиб олиш учун берилган моддий ёрдам чегирилмайдиган харажатга киритиладими?
– Ходимларга тўланадиган қуйидаги моддий ёрдам суммалари чегириладиган харажатлар ҳисобланади:
● меҳнатга ҳақ тўлаш харажатларига киритиладиган моддий ёрдам (Солиқ кодексининг 143-моддаси 5-банди);
● ходимнинг меҳнатда майиб бўлиши ёки унинг соғлиғига бошқача тарзда шикаст етказилиши ёхуд ходим оила аъзосининг вафоти муносабати билан бериладиган ёки ходимнинг вафоти муносабати билан оила аъзоларига бериладиган моддий ёрдам (Солиқ кодексининг 145-моддаси 27-банди).
Бошқа моддий ёрдам турлари, шу жумладан қуйидагича кўрсатиладиган ёрдамлар чегирилмайдиган харажатлар ҳисобланади:
● бола туғилиши, ходим ёки унинг фарзандлари никоҳдан ўтиши муносабати билан бериладиган тўловлар;
● қишлоқ хўжалиги маҳсулотларини бериш ёки уларни сотиб олиш учун маблағлар бериш тарзидаги тўловлар (Солиқ кодексининг 147-моддаси 6-банди).
Жавобни «Norma» МЧЖ экспертлари тайёрладилар.