Андижон вилояти божхона бошқармасининг Контрабанда ва божхона қонунчилиги бузилишига қарши курашиш бўлими, «Дўстлик» чегара божхона пости ва Хўжаобод туман ички ишлар бўлими ходимлари ҳамкорлигида навбатдаги ҳуқуқбузарлик ҳолати фош қилинди.
Тезкор тадбир давомида кузатувга олинган бир қатор ташмачи шахслар «Дўстлик» чегара божхона пости олдидаги автотураргоҳда ўзлари билан муайян ҳақ эвазига гўёки шахсий фойдаланиш мақсадида олиб ўтилган товарларни уларнинг ҳақиқий эгаларига қўш қўллаб топшираётганда фош бўлишди.
«Ҳожатбарор ташмачилар»нинг товарлар ортилган енгил автомашинаси белгиланган тартибда кўздан кечирилганда, унда 4 нафар фуқарога тегишли бўлган хорижда ишлаб чиқарилган, табиийки, ҳеч қандай ҳужжатлари бўлмаган тижорат мақсадида олиб кирилган салкам 23 млн сўмлик аёллар кийим-кечаклари борлиги аниқланди.
Ҳолат юзасидан текширув ҳаракатлари олиб борилмоқда.
ДБҚ Ахборот хизмати.
