Ташкилот «А» лойиҳаси доирасида БМТТДдан грант (инструментлар ва асбоб-ускуналар тарзида) олди. Лойиҳанинг амал қилиш муддати – 2018 йил 31 июлгача. Грант олинди. Инструментларни қабул қилиш-топшириш далолатномаси мавжуд. Улар ташкилот балансига кирим қилинган. Биз улардан қандай фойдаланганлигимиз тўғрисида ҳисобот топширдик, ЎзР Табиатни муҳофаза қилиш давлат қўмитасига ҳисобот бердик.
Ҳисобот даври охирида 8530-счёт даромадлар счётларига ёпиладими?
– Ҳисобот даври охирида 8530-«Текинга олинган мол-мулк» счёти ёпилмайди. У капиталнинг текинга олинган мол-мулк ҳисобига шаклланадиган қисми ҳақидаги ахборотни умумлаштириш учун мўлжалланган (Йўриқноманинг 354-банди, АВ томонидан 23.10.2002 йилда 1181-сон билан рўйхатдан ўтказилган 21-сон БҲМСга 2-илова).
Текинга олинган мол-мулкдан фойдаланилганда ва утиллаштирилганда ҳам 8530-счётдаги маблағлар ҳисобдан чиқарилмайди.
8530-счёт фақат корхона тугатилганда ёпилади.
Жавобни «Norma» МЧЖ экспертлари тайёрладилар.
