Корхонамиз ишдан бўшатилган ходимга ишдан бўшатиш нафақаси, шунингдек ҳали янги ишга жойлашмагани учун иккинчи ойга ўртача ойлик иш ҳақини тўлади. Бу тўловларга СК 179-моддасининг 20-бандига асосан имтиёз (ЭКИҲнинг 12 баравари миқдорида ЖШДСдан озод қилиш) қўлланган. Бироқ ДСИда имтиёз фақат ишдан бўшатиш нафақасига қўлланади деб айтишди. Шу тўғрими?
Бухгалтер.
– Ҳа, Солиқ кодекси (СК) 179-моддасининг 20-бандига кўра меҳнат шартномаси бекор қилинганида энг кам иш ҳақининг 12 баравари миқдори доирасида тўланадиган ишдан бўшатиш нафақасигагина жисмоний шахслардан олинадиган даромад солиғи солинмайди. Иш излаш даврида аввалги иш жойи бўйича тўланадиган ўртача ойлик иш ҳақига умумий тартибда ЖШДС солинади. Бунда мазкур тўловларга жисмоний шахснинг бошқа даромади сифатида (СК 178-моддасининг 15-банди) ягона ижтимоий тўлов ва фуқароларнинг суғурта бадаллари солинмайди.
200-00-59 рақамли телефон
орқали келиб тушган саволларга
“Norma Ekspert”
Мутахассислари жавоб бердилар.