Амал қилувчи визалари бўлган паспортни қандай қилиб алмаштириш мумкин? Эски паспортдан визали саҳифани қирқиб олса бўладими?
– Йўқ, эски паспортдан саҳифани қирқиб олиб бўлмайди. Ўзбекистон Республикасида паспорт тизимини амалга ошириш тартиби тўғрисидаги йўриқномага (ИИВнинг АВ томонидан 9.04.1999 йилда 698-сон билан рўйхатдан ўтказилган буйруғи билан тасдиқланган) кўра алмаштиришга топшириладиган паспорт белгиланган тартибда ички ишлар органларида йўқ қилиниши керак, йўқ қилинаётган паспортдан саҳифаларни олиш эса қатъиян тақиқланади.
Сизга паспортни алмаштиришга топширишдан аввал унинг амал қилувчи визалари бўлган саҳифаларининг ксеронусхасини олишни тавсия қиламиз. Сўнгра уларни хорижий мамлакатларнинг элчихоналарига тақдим этасиз, улар эса визаларни янги паспортларга кўчирадилар.
