Бола парваришлаш таътили ва нафақаси: ўтказиб юборилган муддатлар ва чиқарилмаган буйруқлар
МЧЖда ходимани декрет таътилига юбориб, бу таътилни буйруқ билан расмийлаштиришмаган. Кейин унинг тугаш санасини ва ходима ишга чиқиш ёки бола парваришлаш таътили ва бола парваришлаш нафақаси расмийлаштиришга ҳақли бўлган санани ўтказиб юборишган. Ҳомиладорлик ва туғиш таътили тугаганидан 1,5 ой ўтгач, ходима ишга қайтди.
Ишга чиқишдан аввал ҳомиладорлик ва туғиш таътилидан кейин ушбу 1,5 ойни ходимага қандай расмийлаштириш керак? У ишлаб туриб бола парваришлаш нафақасини олишга ҳақлими ва қайси вақтдан? Барча декрет таътилларини буйруқ билан расмийлаштириш керакми ва нима учун?