Дивиденд тўлайликми ёки йўқми?

Ташкилотимиз давлат улуши иштирокидаги (давлат улуши 51%дан ортиқ) МЧЖ ҳисобланади. МЧЖ 2019 йилда ташкил топган бўлиб, 2019–2020 йилларда зарар билан чиққан, 2021 йилда эса сезиларли соф фойдага эришди. Лекин аввалги йилларнинг қопланмаган зарари ҳисобига дивиденд эълон қилиш учун сумма камлик қилди. Лекин 30.12.2021 йилдаги «2022 йил учун Ўзбекистон Республикасининг Давлат бюджети тўғрисида»ги ЎРҚ-742-сон Қонуннинг 12-моддасида давлат улуши 50% дан ортиқ бўлган жамиятлар 2021 йил соф фойдасининг камида 50% миқдорини 2022 йил 1 июлга қадар бюджетга дивиденд тарзида ўтказиб бериши кераклиги белгиланган. МЧЖ тўғрисидаги Қонуннинг 26-моддасига кўра, агар соф активларнинг қиймати устав фондидан ва захира фондидан кам бўлса, дивиденд эълон қилиниши ва тўланиши мумкин эмас. Юқоридагилардан келиб чиқиб, солиқ бошқармасининг 2021 йил учун дивиденд тўлаш тўғрисидаги талаби қонунийми?