Ёш бўйича белгиланган тоифалар
Ўғлим болалигидан ногирон, ҳозир у 17 ёшда. Ўтган йилнинг май ойида 16 ёшга тўлганида катта ёшдагилар тоифаси бўйича ТМЭКдан ўтиш учун туман поликлиникасига чақиришди. У кўрикдан ўтказилди ва III гуруҳ ногиронлиги берилди (III гуруҳ учун пенсия тайинланмайди). Жорий йилда у қайтадан эксперт комиссиясидан ўтиши керак эди. Энди уни болалар тоифаси бўйича кўрикдан ўтказишди. Тегишли равишда, унга болалигидан 18 ёшга тўлгунига қадар ногиронлик пенсияси тайинланди.
Болалигидан ногиронлик пенсиясини олиш учун ёш 16 дан 18 ёшга кўтарилиши белгиланган Президентнинг қарори ёки Фармони қайси эканлигини айтиб ўтсангиз. Шундай бўлса, унга 2021 йил май ойидан бошлаб болалигидан 18 ёшга тўлгунга қадар ногиронлик пенсияси муддатини узайтиришлари керак эди. Биз 2021 йил июнь ойидан 2022 йил август ойигача бўлган давр учун (шу даврда ўғлимга катта ёшдагилар тоифаси бўйича III гуруҳ ногиронлиги берилган эди) пенсияни қайта ҳисоб-китоб қилишларини талаб қилишимиз мумкинми?