Ташкилотда ЭРИдан бир неча ходимлар фойдаланадилар.
Мазкур ходимларнинг жавобгарлиги қандай расмийлаштирилади?
– Ходимнинг ЭРИдан фойдаланиш ҳуқуқи, қоидага кўра, буйруқ билан расмийлаштирилади. Буйруқда у ёки бу ходим томонидан ЭРИ ёрдамида айнан қандай ҳужжатлар имзоланиши аниқ кўрсатилгани мақсадга мувофиқ бўлади. Корхонада бир нечта ЭРИ мавжуд бўлса, яъни ҳар бир ходим учун алоҳида-алоҳида олинган бўлса, буйруқда ҳар бир ходимга бириктирилган ЭРИ калити сертификати кўрсатилади. ЭРИ йўқотилганда, буйруқда кўрсатилмаган ҳужжатларни имзолашда фойдаланилганда, учинчи шахсларга берилганда қўлланиладиган жавобгарлик чораларини корхонанинг локал ҳужжатларида қайд этиш мумкин.