Жисмоний шахс (ижарага берувчи) ва юридик шахс (ижарага олувчи) ўртасида 2019 йил 3 январдан 2024 йил 30 декабргача тузилган нотурар жойнинг ижара шартномаси 2019 йилда солиқ инспекциясида рўйхатдан ўтказилган. Мол-мулкни ижарага берувчи жисмоний шахслар учун ижара тўловининг энг кам ставкалари 2020 йилдан оширилган.
Ижара тўлови миқдори ўзгарганда юридик ва жисмоний шахслар ўртасида нотурар жойларнинг ижара шартномасини рўйхатдан ўтказиш тартиби қандай бўлади?
– Жисмоний ва юридик шахслар ўртасида нотурар жойларнинг ижара шартномаси тузилаётганда солиқ инспекциясида ҳисобга қўйиш талаб қилинмайди.
Фақат жисмоний шахслар ўртасида ижара шартномаси тузилганда мажбурий ҳисобга қўйиш керак (Низом, АВ томонидан 11.10.2018 йилда 3077-сон билан рўйхатдан ўтказилган).
Бунда, ижарага бериш шартномаси бир йилдан кам бўлмаган муддатга тузилса, у ҳолда давлат рўйхатидан ўтказилиши лозим (ФК 574-м. 4-қ.).
Шу тариқа, ижарага бериш шартномасининг шартларига киритиладиган ўзгартиришлар солиқ инспекциясида рўйхатдан ўтказилмаслиги керак.
Наргиза Турғунова,
«Norma» МЧЖ эксперти.
