Июнь ойида 54 ёшга тўлдим. Бироқ карантин туфайли пенсияга оид ҳужжатларни энди (белгиланган муддатдан анча кейин) топширдим.
Карантиндаги ойлар учун пенсия ҳисобланадими ёки ҳужжатлар қабул қилинган кундан бошлаб ҳисобланадими?
– Коронавирус кириб келиши ва тарқалишининг олдини олишга доир чора-тадбирлар дастурини тайёрлаш бўйича республика махсус комиссиясининг қарори (14.04.2020 йилдаги 01-14/1-234-сон) билан карантин чоралари қўлланилган даврда пенсияга чиқиш ҳуқуқи юзага келган фуқаролар карантин чоралари тугаганидан сўнг бир ой мобайнида пенсия тайинланиши учун мурожаат қилишлари мумкин. Мазкур ҳолатда пенсия унга бўлган ҳуқуқ юзага келган санадан бошлаб тайинланади, яъни сизнинг ҳолатда 54 ёшга тўлган кунингиздан ҳисобланади ва ушбу санадан бошлаб тўланади.
